Ginpanginwala ni Vice President Sara Duterte nga kilala niya si Rodulfo Gracioso Jr., kag ginpahayag nga wala gid siya sang may nabaton nga kwarta halin diri.
Sa statement nga ginpaguwa ni Duterte, ginpahayag nga ginahulat na lamang sang iya mga abogado ang opisyal nga kopya sang affidavit ni Gracioso gikan sa National Bureau of Investigation ukon NBI agud nga makasugod na sila sa pagpreparar sang mga kaso nga luyag nila ipasaka batuk sa iya.
Suno kay Duterte, matapos nila mapamatud-an ang ginasiling niya nga kabutigan sa testimonya ni Gracioso, magakadto na lang ini sa basurahan, suno sa affidavit ni Ramil Madriaga.
Gintawag man ni Duterte ang amo nga bagay nga isa pa ka media stunt kag pagtinguha nga buhion liwat ang ginsiling sini nga nagapaluya nga kaso sang impeachment batuk sa iya.
Dugang pa sang Bise Presidente nga desperado ang administrasyon nga pahalinon siya, isulong ang Charter Change, punggan ang 2028 nga eleksyon kag magpabilin sa poder.
Gindugang sini nga bisan ano man kadamo nga political maneuvering, propaganda ukon distractions nga suno sa iya himo-himo lamang ang makapugong sang lubos sa tingog sang mga Pilipino.
