Gintawag ni Vice President Sara Duterte nga ‘himo-himo’ lang sang House of Representatives ang kaso nga impeachment nga ginpasaka batok sa iya, kadungan sang pagpasalamat sa publiko sa padayon nga suporta sini.
Ginpasalamatan man niya ang mga supporters nga hayag nga nagapamatuk sa impeachment proceedings pinaagi sa rally kag demonstrasyon.
Ginpakigbahin man ni VP Sara nga gin-istoryahan nila sang iya amay nga si former President Rodrigo Duterte ang isyu nga iya ginapangatubang.
Suno sa iya, nagapati sila nga ang mga hitabo sa kabuhi ang kabahin sang plano sang Diyos, lakip na kun bala ma-impeach siya ukon indi.
Nahibaluan nga yara sa The Hague si VP Sara agud magbisita sa iya amay nga preso kag nagapangatubang sang kaso nga crimes against humanity sa International Criminal Court.
Daku man sini ang iya pagpatinga nagabaskog ang pagpang-atake batuk sa iya bangud sa iya anunsyo nga magapadalagan siya sa 2028 presidential election.
Ginpangabay man sini ang publiko nga mangin kritikal sa mga impormasyon nga makita sa social media, bangud possible nga indi ini matuod kag ginahimo-himo lang batuk sa iya.
