Sulod na sa “third stage” ang impeachment proceedings batuk kay Vice President Sara Duterte matapos ginmanduan sang House Committee on Justice ang bise presidente nga magsumite sang sabat sa sulod sang 10 ka adlaw nga indi na mahimo nga palawigon pa.
Suno kay Batangas City Rep. Gerville “Jinky Bitrics” Luistro, chair sang committee, iya ginpahayag nga ginpadala na ang notice kay Duterte matapos nakit-an nga sufficient in form and substance ang duha ka impeachment complaints batok sa iya.
Gin-athag ni Luistro nga sa sini nga tion magasumite sang mga sabat kag ebidensya ang magtimbang nga bahin, nga ginatawag nga “responsive pleadings,” sa diin ang mga partido nagasabat paagi sa mga dokumento.
Dugang pa ni Luistro, may yara sang 60 session days ang komitiba agud isumite ang ila report sa House plenary.
Pahayag pa niya, ang 10-day grace period sa pagsumite sang sabat ang nakabase sa calendar days, samtang ang iban nga proseso sang komitiba ang base sa session days sang Kongreso.
