Gin-akusahan ni Vice President Sara Duterte si Presidente Ferdinand Marcos Jr kag ang iya administrasyon nga ginbutang sa katalagman ang kabuhi sang iya amay.
Ini ang kasunod sang pagpatigayon sang welfare checks sang Philippine Embassy nga wala ginpahibalo ang pamilya samtang gin-detain ang anay presidente sa International Criminal Court (ICC) detention facility sa The Hague, Netherlands.
Maathag suno sa Bise Presidente nga gin-abusuhan sang Philippine Embassy ang guidelines sang detention unit sa consular visits.
Nahibaluan man nga ginreport pa nila direkta kay Presidente Marcos ang pagbisita.
Maathag suno sa iya nga gin-assign ni Marcos ang personnel sang Embassy agud tan-awon ang kahimtangan sang anay presidente.
Ginpanindugan sang Bise Presidente nga indi kinahanglan sang amay ang gobyerno sang Pilipinas bangud may ikasarang ang ila pamilya nga atipanon ini.
