Nag-atubang si Vice President Sara Duterte sa Quezon City Regional Trial Court Branch 98 subong nga adlaw para sa iya arraignment may kaangtanan sa tatlo ka kaso sang grave threats.
Ginalauman nga pormal nga mapasakaan sang kaso ang Bise Presidente kag pangabayon nga mag-ako sang “guilty” ukon “not guilty” sa mga panumbungon nga ginduso sang korte, apang wala ini natabo.
Ang mga kaso may kaangtanan sa iya mga pahayag sang Nobyembre 2024, sa diin nagsiling siya nga may ginakuha siya nga hitman nga patyon si Presidente Ferdinand Marcos Jr., First Lady Liza Araneta-Marcos kag anay House Speaker Martin Romualdez kon may matabo sa iya.
Apang, ginpanghiwala ni Duterte ang mga alegasyon.
Sang Agosto, pormal nga ginduso sang Department of Justice ang mga kaso batok sa Bise Presidente.
Una nga gin-schedule ang arraignment sang Setyembre 11, apang ginpaisol ini.
Sang Setyembre 5, nagbayad si Duterte sang piyansa nga P120,000 sa tagsa ka kaso matapos magpagwa ang korte sang warrant of arrest.
