Pormal nga ginpasaka ni Vice President Sara Duterte ang kaso nga perjury batok kay Ramil Madriaga sa Taguig City Prosecutor’s Office.
Suno kay Duterte, nagpakilala nga campaign supporter si Madriaga nga akusado sa kaso nga kidnapping antes nagpakita bilang testigo sa kaso nga impeachment batok sa iya.
Matandaan nga si Madriaga isa ka former staff sang Office of the Vice President nga sang ulihi nagsumite sang affidavit nga naga-alegar nga ang kampanya ni Duterte ginpondohan sang mga drug dealers kag Philippine Offshore Gaming Operators (POGOs).
Ang testimonya sini ang isa sa mga ginsumite nga dokumento sa ikatlo nga impeachment complaint batuk kay Sar nga gina-istoryahan subong sang House Committee on Justice.
Nahibaluan nga ang reklamo ang may anum ka basehan lakip na ang gina-alegar plunder, graft, misappropriation of funds, kag pamahog nga pagpatay.
Ginpanindugan ni Duterte, indi mahimo nga madaya ang publiko sa imbento nga mga istorya, kag ang iya abogado nga si Atty. Paolo Panelo Jr. Magaatubang sa media agud sabton ang mga pamangkot may kaangtanan sa kaso.
