Naghingyo ang kampo ni Vice President Sara Duterte sa National Bureau of Investigation (NBI) sang kopya sang sworn statement kag supporting documents nga gin-alegar ginsumiter ni anay police officer Rodulfo Gracioso Jr may kaangtanan sa ila mga alegasyon batok sa pamilya Duterte.
Sa sulat sang abogado ni Duterte, ginpahayag sini nga wala niya ginlakip ang kopya sang affidavit ni Gracioso sa imbitasyon sang NBI.
Suno sa ila, kinahanglan nila anay nga repasuhon ang mga dokumento agud makahanda sang sabat.
Natalana kuntani nga magtambong si Duterte sa NBI conference buwas nga adlaw, apang ginhingyo sang iya kampo nga isaylo ini sa Oktubre 8, agud nga may bastante sila nga tion sa pagtuon sang mga ginahingyo nga mga dokumento.
Ang mga alegasyon ni Gracioso ang may kaangtanan suno sa pagdul-ong sang kwarta sa pamilya Duterte.
