VP Sara Duterte, nagpakita sa publiko sa Davao agud pamatukan ang alegasyon nga nagbiyahe siya nga wala sang travel authority

Nagpakita sa publiko si Vice President Sara Duterte sang Huwebes.

Ini agud pamatukan ang pahayag ni Communications Undersecretary Claire Castro nga nagkadto siya sa Kuwait nga wala sang anuman nga travel authority.

Gintawag niya ang pahayag ni Castro nga ginlapas niya ang mga pagsulundan sang awtoridad sa pagbiyahe nga isa ka “political scapegoating.”

Ginpanindugan sini nga diversion ini sang Office of the President sa mga matuod nga isyu angut sa sitwasyon sang pungsod rason nga ginabasol siya sa iya nahamtangan.

Gin-akusahan pa niya si Castro nga nagapalapta sang fake news kag misinformation.