Nagpanawagan si Vice President Sara Duterte sa publiko nga padayunon ang pagpanawagan sa pagbiya sa pwesto ni President Ferdinand Marcos Jr bangud sa ginaalegar pag-abuso sa poder kag korapsyon.
Ginpanindugan man ni Duterte nga wala sang ebidensya nga nagasuporta sa kaso nga impeachment batok sa iya kag ginkwestyon ang gin-alegar nga paggamit sang Kongreso sang ila otoridad batok sa iya kampo.
Ginkwestyon man niya ang pagpakulong kay anay House Speaker Martin Romualdez may kaangtanan sa flood control scandal kag gin-akusahan ang administrasyon nga nagapang-harass sa mga kritiko.
Samtang, nagpamatok naman ang House prosecution panel sa panawagan ni Duterte, kon sa diin ginpahayg ni Representative Zia Alonto Adiong ang posible nga conflict of interest, bangud siya ang magabulos sa Presidente kon maghalin ini sa pwesto.
Ginhatagan pagtamod ni anay Representative Ace Barbers nga apisar kinamatarong ni Duterte nga magpabutyag sang iya opinyon, dapat sa gihapon respetuhon sini ang due process kag legal procedures angut sa mga kaso nga iya ginapangatubang.
