Ginhingyo ni Vice President Sara Duterte sa International Criminal Court (ICC) nga padasigon ang trial sa iya amay nga si former President Rodrigo Duterte bangud sa iya edad, ikaayong lawas, kag malawig nga pagkapreso.
Pagkatapos nga ginbisita ang iya amay sa The Hague, ang Bise Presidente nagpahayag nga ang iya amay yara sa maayo nga kahimtangan, bisan pa nga ginabulong siya bangud sa skin rash kag naga-eksperyensya sang kinaandan nga mga kasakit tuga sang katigulangon.
Nagalaum man ang pamilya nga mas temprano pa ang pagsugod sang trial, bangud masobra na isa ka tuig nga na-detain si Duterte nga wala sang hearing angot sa iya kahilwayan.
Ginhatagan pagtamod ni Sara Duterte ang ila handom nga makapauli sa Pilipinas ang anay presidente kag ginsambit nga ila gin-istoryahan ang posibilidad nga magtaliwan ini samtang yara sa kustodiya sang ICC.
Samtang, ginkwestyon man sini ang ginpahayag kahandaan sang administrasyon nga magpatigayon sang patas nga imbestigasyon sa isyu sang flood control funds kag iban pa nga alegasyon sang korapsyon.
Tuman ang pagpasalamat sang Bise Presidente sa mga overseas Filipinos sa ila suporta kag pangamuyo para sa kahilwayan sang iya amay.
