Ginakabig subong ni Vice President Sara Duterte nga ang ginpatigayon nga rally sang Iglesia Ni Cristo ang kabahin sang EDSA White Plains.
Ginpahayag sini nga ang nasambit nga hublag-protesta nagapakita sang malawig sini nga reklamo halin sang 2024.
Dugang pa sang Bise Presidente, nagapamatuod lang ini nga may maluya ang administrasyon sa subong.
Pila sa mga gintumod sini amo ang dalayon nga pagtaas sang presyo sang mga balaklon, kakulang sang trabaho kag si President Ferdinand Marcos nga nagapabilin nga wala nagasapak sa mga reklamo sang mga pumuluyo.
Gin-akusahan sang Bise Presidente ang administrasyon ni Marcos nga ginagamit ang sistema sang hustisya agud pasakaan sang kaso kag prisuhon ang tanan nga mga indibidwal nga nagapakalain sa gobyerno.
Matandaan nga pila ka libo ka mga miyembro sang INC ang hinali nga nagprotesta sa higad sang EDSA -White Plains isa ka adlaw matapos gin-anunsyo sang Office of the Ombudsman nga nagapreparar sila sang plunder case batok kay Senador Rodante Marcoleta.
