Gindayaw ni Vice President Sara Duterte ang madinalag-on nga combat operation sang Philippine Army sa Negros Occidental.
Sa ginpagwa nga pahayag subong nga Abril 25, ginkilala sang Bise Presidente ang kaisog kag dedikasyon sang 79th Infantry Battalion sa pagpabilin sang kalinong kag seguridad sa mga komunidad.
Una na nga ginreport sang hubon ang natabo nga engkwentro batuk sa ginapahayag mga miyembro sang NPA sa Barangay Salamanca, Toboso, kun sa diin 19 ka mga rebelde ang nareport nga napatay. Ginpanindugan naman sang Philippine Army nga ginpatigayon ang operasyon sang propesyunal kag nagasunod sa International Humanitarian Law.
Ginganyat man ni VP Sara ang mga ginikanan kag guardian nga bantayan ang ila nga mga Kabataan kag punggan nga mag-intra sa bayolente nga extremist group.
