Ginhingyo ni Vice President Sara Duterte sa Senado nga sabnton ang gasto sa pagkaon, ilimnon, kag catering services para sa iya defence team, support staff, kag mga testigo nga nagapasakop sa iya impeachment trial.
Sa isa ka sulat nga napetsahan Hulyo 7, 2026, nga ginpadala kay Senate President Sherwin Gatchalian, ginbalay ni Duterte ang mga arrangement nga luyag niya ipatuman sa bug-os nga kalawigon sang mga paghusay.
Lakip sa iya mga pangabay amo nga ang tanan nga pagkaon kag ilimnon para sa iya kampo iserbe lamang sa gintalana nga holding room kag halin mismo sa accredited caterer sang Office of the Vice President o OVP..
Suno kay Duterte, ang nasambit nga tikang nagatuyo nga masabat ang mga lehitimo nga kabalaka sa seguridad kag masiguro ang kaluwasan sang iya defence team, support staff, kag mga testigo.
Kadungan sini, ginhingyo sang Bise Presidente nga sabton sang Senado ang tanan nga may kaangtanan sa gasto.
Sa pagtakop sang iya sulat, nagpabutyag sang paglaum si Duterte nga aprubahan sang Senado ang iya mga pangabay sa kalawigon sang impeachment trial.
Samtang, ginpahayag naman ni spokesperson defense spokesperson Atty. Michael Poa nga sa iya nahibaluan, wala pa sang request may kaangtanan sa sulat sang OVP ang na-aprubahan pa.
Apang nagpamalibad si Poa nga maghatag sang dugang nga detalye, ginhatagan pagtamod nga naghalin ang sulat sa OVP kag indi sa defence team.
