Ginpakamalaut ni Vice President Sara Duterte ang tuyo nga pagserbe sang arrest warrant sang International Criminal Court (ICC) batok kay Senador Ronald “Bato” Dela Rosa.
Ginpanindugan sang Bise Presidente nga dapat una nga ipresentar sa lokal nga korte sa Pilipinas ang warrant halin sa guwa sang pungsod.
Ini ang pahayag ni Vice President Duterte kadungan pagbisita sini sa The Hague, Netherlands sa iya nga amay nga si Former Presidente Rodrigo Duterte.
Suno pa sa Bise Presidente, sala ang ginhimo nga lihok batok sa senador kag iya ini ginpaanggid sa pag-aresto sa iya amay antes ini gindala sa The Hague Netherlands.
Matandaan nga ginserbe sang Marso 2025 ang ICC arrest warrant batok sa anay Presidente kag dayon ginpalupad pakadto sa The Hague matapos gindakop kag gin-hold sa Villamor Air Base.
