Ginpanindugan ni Vice President Sara Duterte sang Biyernes, Hunyo 12, nga wala siya sang intensyon nga agawon ang posisyon ni Presidente Ferdinand Marcos Jr., kag nagapabilin sa iya ginsumpaan nga katungdanan sa idalum sang Konstitusyon.
Sa isa ka pahayag pagkatapos sang aktibidad sang Independence Day, ginsikway ni Duterte ang panawagan sang pila ka mga grupo kag mga retirado nga military officers para sa iya nga pangunahan ang kaangay sang People Power nga hublag batok sa administrasyon.
inhatagan pagtamod sang Bise Presidente nga ang bisan ano nga pagbag-o sa liderato sang pungsod dapat mag-agi sa legal kag konstitusyonal nga mga proseso.
“Ako, I am the constitutional successor, I am the next in line ayon sa ating Constitution,” Suno pa ni Duterte. “At mayroon akong sinumpaan noong ako ay nag-assume ng office of the Vice President at nakalagay doon that I will preserve and defend the Constitution.”
“So, wala sa aking mga kamay ang pagsasagawa ng extra-constitutional means to overthrow the current administration at hindi ko rin gusto ’yon,” dugang pa sini.
“Hindi ko gusto agawin ’yung posisyon ni Bongbong Marcos,” aniya. “Gusto ko makita ng taumbayan hanggang sa dulo kung gaano ka walang-hiya si BBM.”
Suno sa mga report halin sang Abril 2026, pila ka mga grupo nga ginabug-usan sang mga anay opisyal sang militar ang ginareport nga nagapangayo sang suporta para sa posible nga aksyon sa politika batok sa administrasyon, isa ka bagay nga gina-imbestigaran.
Samtang, ginalauman ang pagdalagan ni Duterte sa 2028 nga eleksyon
