Ginpalab-ot ni Bise Presidente Sara Duterte ang iya pagdayaw sa tanan nga mga mamumugon nga Pilipino subong nga Labor Day, Mayo 1, bilang pagkilala sa ila pagpangabudlay kag kabakod sa pihak sang pagpanghangkat sang kabuhi.
Sa iya video message, ginhatagan pagtamod ni Duterte ang importansya sang kontribusyon sang mga overseas Filipino workers (OFWs), mga medical kag security frontliners, community workers, mga manunudlo, kag iban pa nga mga mamumugon sa pribado kag pampubliko nga sektor.
Nagpabutyag man siya sang pagdayaw sa “kalig-on, kaalam, kag kahugod” sang mga mamumugon sa ila nagkalainlain nga patag, sa sulod man ukon sa guwa sang pungsod.
Ang Mayo 1 ginasaulog kada tuig bilang Labor Day kag gindeklarar nga regular nga holiday paagi sa Proclamation No. 727.
