Ginpasipalahan ni Vice President Sara Duterte ang nagtaliwan na nga si anay Pangulong Ferdinand Marcos Sr. agud makuha ang atensyon sang publiko sa ginakwestyon nga paggamit sini sang ginatos nga milyon sang confidential fund sang Office of the Vice President (OVP) kag Department of Education (DepEd).
Ini ang nangin paghayag sang isa sa mga miyembro sang Young Guns bloc sa Kamara de Representantes bilang sabat sa ginsiling ni Duterte nga pagpamahog nga pagkutkot sa bangkay sang anay presidente kag ihaboy sa West Philippine Sea.
Sa ginpatigayon nga press conference, ginsiling ni Duterte nga ginsilingan sini si Sen. Imee Marcos nga iya ihaboy ang bangkay sang anay presidente sa West Philippine Sea pinaagi sa isa ka group chat.
Nahimo ini nga matuad ni Duterte kay Sen. Marcos sa pihak sang pila ka beses niya nga ginsiling nga mag-abyan sila kag sa pihak sang pagpakigbato sang Senadora sa bise-presidente.
Sa baylo nga magamit sang kaangay sini nga taktika, ginganyat ni Zamora si Duterte nga atubangon na lamang ang mga alegasyon batuk sa iya.
