Indi magtambong si Vice President Sara Duterte sa ika-tatlo nga State of the Nation Address (SONA) ni Pangulong Ferdinand Marcos Jr.
Suno sa bise-Presidente, gina-appoint niya ang iya kaugalingon bilang ‘designated survivor’.
Mahibaluan nga ang designated survivor, isa ka indibidwal nga masami gina-appoint sang presidente nga indi magtambong ukon maglantaw sa SONA agud siya ang magdumala sa tion nga may yara sang matabo nga kalamidad ukon ‘catastrophic incident’ nga mangin rason sang pagkamatay ukon iban pa nga physical incapacitation sa mga opisyal sang pungsod nga yara sa line of succesion.
Ini ang una nga tion nga indi makatambong si Duterte sa SONA ni PBBM kun sa diin nangin ka-tandem ini sa 2022 elections.
Samtang, una na nga ginkumpirmar sang mga anay bise-presidnete sang pungsod nga indi sila magtambong sa ika-tatlo nga SONA ni Marcos kun sa diin ini ang ginakalakipan nanday Leni Robredo, Jejomar Binay, kag Noli de Castro.
Kaangut sini, wala pa sang kumpirmasyon nagikan kay anay PRRD kung magatambong ini sa nasambit nga SONA ni PBBM ukon indi.
