Ginmanduan sang Korte Suprema nga magkomento sanday Vice President Sara Duterte kag Atty. Israelito Torreon hanungod sa mosyon nga gin-file sang Kamara.
Ini bangud matapos magsumiter sang ‘Motion for Reconsideration’, gilayon nga nagpaguha sang kasuguan ang Korte Suprema sa duha nga namensyunar nga petitioners agud ipakigbahin ang ila nga side.
Tuga ini sang ginpatigayon sang Kataastaasan nga Hukuman ang En Banc session sang Agosto 5 subong nga tuig 2025.
Ginhatagan lang ang mga ini sang indi magdugay sa pulo (10) ka-adlaw para isumiter ang ila nga komento hanungod sa mosyon nga kaangut sa Impeachment.
Sa bahin naman sang Bise Presidente, ginkumpirma ni Atty. Michael Poa, legal counsel sini para sa Impeachment nga magasunod sila ginpaguha nga mandato sang Supreme Court.
Madumduman nga gindeklara sang Supreme Court ang ‘articles of impeachment’ bilang ‘unconstitutional’ sa paglapas sang Kamara sa ‘1 year rule’ nga pag-file sang impeachment complaint kag ‘due process’ nga kinahanglan ginabase sa pagproseso sang reklamo.
