Nagapati ang House Assistant Majority Leader Representative Jay Khonghun sang Zambales 1st District kag Representative Paolo Ortega V sang La Union 1st District ang kinahanglan magpaidalum sa psychological evaluation si Vice President Sara Duterte.
Ginpahayag naman nanday Khonghun kag Ortega, kasunod sang pahayag ni VP Duterte sa isa ka report nga iya na-imagine nga gina-utod ang ulo ni Presidente Ferdinand “Bongbong” Marcos Jr.
Gintumod man sang duha ka mamalidha ang pagpamahog ni VP Sara nga kutkuton niya ang bangkay ni anay Presidente Ferdinand Marcos Sr., sa lulubngan sang mga bayani kag ihaboy sa West Philippine Sea (WPS).
Para kay Khonghun, nagakabalaka ang nasambit nga mga pahayag sang isa ka mataas nga opisyal sang pungsod.
Ginhatagan naman pagtamod ni Ortega nga ang kasubong nga klase sang kahaladlok nga mga pahayag ang indi mabaton halin sa bisan sin-o, ilabi na sa isa ka nakapungko nga bise presidente.
