Mangayo sang P733 million budget ang Office of the Vice President para sa 2026 sa diin may yara ini sang “minor adjustment” bangud sa inflation.
Matandaan nga may yara sang P733 million nga pondo ang opisina subong nga tuig matapos ginbuhinan sang Congress ang ginduso nga pondo nga P1.29 billion bangud sa ginaalegar iregularidad sang paggasto sang ahensya sang tinalikdan nga tuig.
Suno sa bise presidente, wala na siya nagpangayo sang mas dako nga podo sa iya opisina para sa masunod nga tuig agud malikawan nga mabutang ang mga opisyal sang Office of the Vice President sa kahuy-anan nga sitwasyon sa budget deliberations.
Nahibaluan nga sang ginbuhinan ang 2025 nga pondo, wala na ginpadayon sang OVP ang medical kag burial assistance programs amo man ang distribution sang tinapay sa pipila ka mga estudyante.
