Ginkumpirmar sang Malacañang nga personal nga nagkadto sa Palasyo si Vice President Sara Duterte agud pormal nga mag-sumite sang iya nga resignation letter bilang myembro sang Gabinete ni Presidente Ferdinand Bongbong Marcos.
Sa ginhiwat nga press briefing ni VP Sara, nag-resign man ini bilang DepEd Secretary kag Vice chairperson sang National Task Force to End Local Communist Armed Conflict ukon NTF-ELCAC.
Mangin epektibo ang iya nga resignation sa Hulyo 19, 2024.
Wala naman naghatag sang rason ang bise presidente may kaangtanan sa iya pag-resign sa pwesto.
Sa pihak sini, ginasiguro ni Dutertenga magapadayon ini nga maga-serbe bilang Bise Presidente sang pungsod.
Samtang, ginbaton naman ni PBBM ang resignation ni VP Sara.
Sa ulihi, ginpahayag ni Duterte bisan pa indi na sya ang nagatindog nga tiglikom sang edukasyon, ipadayon nya gihapon ang dekalidad nga edukasyon nga para sa mga Pilipino.
