Nagpanawagan si VP Sara sa mga bag-o nga opisyal kadungan sang graduation sang Philippine Military Academy (PMA) “Talang Dangal” Class of 2026 sa Fort Del Pilar, Baguio City, nga ipabilin ang integridad kag kaisog sa ila serbisyo.
Ginhatagan niya pagtamod nga ang ila paghanas naghatag sang pundasyon sang disiplina kag sakripisyo nga dapat nila gamiton sa pagpangapin sang pungsod.
Gin-engganyo niya ang mga kadete nga mangin model sang kadungganan kag dignidad, kag magpabilin nga malig-on sa atubang sang bisan ano nga pamahog sa soberanya sang Pilipinas.
Ginpasalamatan man sini ang ila pagpili sang dalan sang military service nga iya gintawag nga dungganon kag dedikado sa kaayuhan sang pumuluyong Pilipino.
Dugang pa ni Duterte, pamatuod ang ila serbisyo sa determinasyon nga pangapinan ang pungsod kag amligan ang kahilwayan sang pumuluyo.
Sa katapusan, ginpanginbulahan niya ang mga graduates kag ang ila mga pamilya bilang kabahin sang bag-o nga henerasyon sang mga manugpangapin sang pungsod.
