Nagbilin si Vice President Sara Duterte sang mensahe para sa Muslim Community bilang pakig-isa sini sa selebrasyon sang Ramadan subong nga Marso 2, 2025.
Sa iya nga video message, nagahinyo ang bise Presidente sa mga Muslim nga ilakip sa ila nga mga pangamuyo ang para sa kalinungan kag kapatawaran indi lamang para sa ila mga personal nga kabuhi apang pati man ang para sa pungsod.
Dugang pa sang bise, ini ang panahon agud magpamalandong para mahibaluan ang kabilidhon sang ila nga mga pagsakripisyo amu ang padulong suno diri sa enlightenment.
Kabahin man sang mensahe sang opisyal nga kun mahimo magserbe nga giya sa mga pangamuyo kag repleksyon ang Ramadan samtang positibo nga ginapanan-aw ang isa ka maayo nga buwas-damlag sang kada pumuluyo nga Pilipino.
Magluwas diri, nagsentro man sa ‘mercy, peace and blessings’ para sa mga kauturan nga Muslim sa bug-os nga pungsod ang nangin mensahe ni VP Sara.
Samtang, nag-umpisa naman ang selebrasyon sang Ramadan subong nga adlaw sandig man sa nangin anunsyo sang Saudi Arabia, nga amu ang pinakasentro sang Islam sa pagpanguna sang Bangsamoro Grand Mufti and Executive Director of the Bangsamoro Darul-Ifta’ (BDI), Sheikh Abdulrauf Guialani.
Diri nagapamalandong ang Muslim community kun sa diin kabahin sang ila nga tradisyon ang mag-fasting bilang ila nga pamaagi sang pangamuyo sa mga panahon nga ini.
