Isa waitress sa Texas ang wala ginapaabot nga nakabaton sang $50,000 kag isa ka 2000 nga Buick gikan sa isa ka regular nga customer.
Ang waitress amo si Melissa Salazar, nagserbe kay Walter Swords isa ka 89-anyos nga veteran nga World War II sa sulod sang pito ka tuig.
Suno sa mga report, kilala si Swords nga tuman ka reklamador kag suplado, rason nga madamo nga mga waiter ang nagalikaw nga mag-serve sa iya.
Apisar sini, si Salazar padayon nga naghatag sa iya sang maayo nga serbisyo, bisan pa nga wala gid siya naghatag sang tip sa sulod sadtong pito ka tuig.
Pagkatapos nga napatay si Swords, nahibaluan ni Salazar nga nalakip siya sa will and testament kag ginbilin sa iya ang $50,000 kag isa ka salakyan bilang tanda sang pagpasalamat sa iya kaayo kag sensiro nga pag-alagad.
