Wala nakay-o nga karsada kag masami gintunaan sang disgrasya sa Brgy Bato-Bato, Mambusao, ginpabombo sang concerned citizen

ROXAS CITY – Ginpa-bombo sang isa ka concerned citizen ang wala nakay-o nga porsyon sang karsada nga masami ginatunaan sang disgrasya sa Sitio Don Juan, Barangay Bato-Bato, Mambusao Capiz.

Suno kay Ching, sa masobra 4 katuig sini nga pagtinir sa Mambusao, tubtob sa karon wala sa gihapon nakay-o ang amu nga dalanon apisar ginpalab-ot na sa Department of Public Works and Highways (DPWH) ang amu nga problema.

Pahayag sini, kun pabay-an lang nga guba ang karsada mas magataas ang numero sang nagakadisgrasya kag posible tunaan pa sang kamatayon.

Nagapanawagan ini sa natungdan nga hatagan sang aksyon ang amu nga dalanon kag ipa-iway ang pamulitika para sa ikaayo sang pumuluyo.