ROXAS CITY – Dismayado ang mga botante sang Rufina Andrada Santos Memorial School matapos nakumpirma nga indi makaabot si anay Department of Interior and Local Government Secretary Mar Roxas para bomoto.
Madamo nga mga botante ang wala nagsulod sa mga pollng precint bangud luyag nila nga antes magboto ila makita si Roxas bangud madugay na ini nga wala nakabisita sa probinsiya sang Capiz.
Nahibaluan nga temprano pa lamang madamo na sang mga botante, kadam-an mga kababainhan kag senior citizen ang naghulat sa pag-abot ni Roxas, bangud nagapauli ini sa tagsa ka eleksyon para magboto.
Apang matapos nahibaluan nga ang rason nga wala nakapauli si Roxas amo ang paglain sang iya pamatyag, nagpalab-ot na lamang sang get well soon message ang mga tagasuporta
