Wala pag-intindihanay ang nangin rason sang nagluntad nga kinagamo sang mga tribo kadungan sang Sinadya Festival.
Nahibaluan nga sang tinalikdan nga Sabado, samtang nagapatigayon sang Grand Sadsad,ang grupo sang Tribu Daga kag Tribu Pamilyahanon ang nag-angkon sang pag-baisay kag bangud sang pag-init sang tensyon sa duha ka bahin, didtu na kag natabo ang kinagamo.
May yara sang mga nagkapilasan nga tuga sang komosyon nga gilayon man nga gindapatan sang pagbulong.
Samtang, nagpatigayon sang presscon ang bahin sang Roxas Component City Police Station sa pagpanguna ni Police Chief Master Sergeant Ramil Arcangeles kag Police Lieutenant Colonel Ricardo Jomuad kaupod si Gwendolyn Reyes nga presidente sang Roxas Tribe Association Incorporated kag si Robert Baes sang Tribu Daga kag Mark Anthony Alvarez sang Tribu Pamilyahanon agud nga istoryahan ang natabo.
Nagpangayo man ang duha ka grupo sang pasaylo sa Roxas City Government kag sa publiko sa eskandalo nga ila nga ginbuhat kadungan sang Sinadya Festival.
Naghingyu man ang natungdan nga i-delete na sa social media ang video sang kinagamo bangud nga na-settle na ang duha ka partido.
