Wala paglakip sa nagdaug nga magic 12 senators sang anay interior sec Mar Roxas, ginkasubo sang kongresista sang Capiz

ROXAS CITY – Ginkasubo sang re-elected Capiz 1^st District Congressman ang wala pagkalakip sa magic 12 ni anay DILG Secretary Mar Roxas sa bag-o lamang nagtakup nga May 13 midterm election.

Sa interview ng Bombo Radyo Roxas kay Congressman Emmanuel Billones  Sr., ginpahayag sini nga wala sini ginalauman nga indi malakip si Roxas sa magadaug nga senador.

Apang suno diri nga kinahanglan nga respetuhon ang desisyon sang mayorya bangud kabahin ini sang demokrasya sa pagpili sang mga opisyal nga magadumala sa gobyerno.

Naka-estorya naman sila nga duha ni Roxas, kag hugot sa buot nga ginbaton sang anay tiglikum ang resulta sang pinili-ay.