ROXAS CITY – Ginkumpirma sang alkalde sang banwa sang Ivisan nga wala nakapaidalum sa rapid test ang kapin sa 17 ka mga Locally Stranded Individuals (LSIs) nga nag-abot sa ila banwa gikan sa Isla sang Boracay.
Ginpahayag ni Mayor Ipe Yap nga wala na lamang ginpaidalum sa amo nga test ang mga nagpauli nga mga LSIs ba-se man sa rekomendasyon kag assesstment sang health department bangud wala sila naghalin sa lugar nga madamo sang kaso sang COVID-19.
Magluwas sa 17 ka mga LSIs nga nag-abot kag yara na sa quarantine facility, may tatlo man ka mga seafarers nga ginpaidalum sa rapid test matapos nga nag-abot sa banwa sang Ivisan.
Antes ginpasulod sa quarantine facility ang mga LSIs ginpaidalum sila sa disinfection.
Sa karon ginabantayan kag ginamonitor sang mga brgy officials, BHWs kag tanod ang mga LSIs nga yara sa quarantine facilities.
