Ang Department of Social Welfare and Development (DSWD) Field Office VI, paagi sa Walang Gutom Program (WGP), nakaserbisyo sa kabug-usan nga 25,326 ka benepisyaryo sa Western Visayas para sa pag-redeem sang food credits bilang kabahin sang 7th Food Redemption Month (FRM 7) sini nga Hulyo 2026.
Halin Hulyo 14 tubtob Agosto 12, 2026, gingamit sang mga benepisyaryo ang ila food credits agud makakuha sang mga kwalipikado nga pagkaon nga ginpanagtag sa nagkalain-lain nga banwa sa mga probinsya sang Antique, Capiz, kag Iloilo.
Bilang kabahin sang isa ka bulan nga implementasyon sang programa, nakabaton man ang mga benepisyaryo sang one-time cash assistance nga ₱2,000 sa idalom sang Unified Package for Livelihoods, Industry, Food, and Transport (UPLIFT) Program.
Sa paggiya sang WGP Regional Program Management Office (RPMO), ginpadala ang mga Community Engagement Coordinators (CECs) kag field staff agud mangin katuwang sa pagpanagtag kag pagkuha sang mga benepisyaryo sang ila mga pagkaon sa tatlo ka probinsya.
Ang DSWD Walang Gutom Program isa sa mga panguna nga programa ni President Ferdinand “Bongbong” Marcos Jr. nga nagatinguha nga masolusyunan ang kagutom kag malnutrisyon, kag makabulig sa paglab-ot sang katuyuan nga mangin wala sang kagutom ang mga Pilipino.
