Walo ka mga bata, patay sa pagpangluthang

Patay ang walo ka mga kabataan sa mass shooting sa syudad sang Shreveport, Louisiana.

Suno sa spokesperson sang Shreveport Police Department nga si Christopher Bordelon, ang mga biktima naga-edad halin sa 1 tubtob 14 anyos.

Ginpahayag man ni Bordelon sa isa ka interview nga pagkatapos sang pagpangluthang, nagpalagyo ang suspek sakay sa ginkawat nga salakyan.

Sa nagsunod nga paglagas, ginreport nga gintiro ang salakyan sang pulis kag sang ulihi napatay ang ginapatihan nga gunman.

Wala pa napaguwa ang mga otoridad ang bug-os nga identity sang suspek, apang suno kay Bordelon, pila sa mga kabataan nga napatay ang mga himata sini.

Padayon pa ang imbestigasyon sang kapulisan agud mahibaluan ang motibo sa insidente.