IVISAN CAPIZ – Dakop sa akto ang walo tanan ka mga tripulante matapos nagapatigayon sang iligal nga pagpangisda sa kalalawran nga sakop sang Brgy. Balaring , Ivisan, Capiz.
Sa impormasyon nga nakuha sang Bombo Radyo, nagikan sa Ivisan Municipal Police Station, ginkilala ang mga nagkaladakpan nga sanday alyas “Ryzjade”, alyas “Rodrigo”, lunsay mga boat captain, alyas “Vincent”, alyas “Victor”, alyas “Christopher”, alyas “Christian”, alyas “Gaspar”, alyas “Anthony” nga lunsay mga residente sang Brgy. Libas kag Barra, Roxas City, Capiz.
Nakuha sa paghinakop sang mga ini ang duha ka sakayan-pandagat, duha ka fishing net nga naga-balor P20,000, kag 90 kilos nga nanari-sari nga isda nga naga balor P7,500.
Sa karon, nagapabilin sa kostudiya sang Ivisan MPS kag natalana nga iga-turn over sa Ivisan Municipal Agriculture Office para sa nagakaigo nga disposisyon.
