Walo katao, patay sa landslide nga nag-luntad sa refugee camp sa Bangladesh

Walo ka indibidwal lakip ang mga kabataan ang napatay kag pila ka mga indibidwal ang pilason matapos ang landslide nga naglutad sa isa ka refugee camp sa Bangladesh.

Ini bangud sang mabaskog nga ulan nga dala sang Southwest Monsoon ukon Hangin Habagat.

Suno sa mga otoridad, nagluntad ang landslide sa apat ka magkala-inlain nga lugar samtang nagakatulog ang mga residente.

Samtang isa ka Bangladeshi naman ang napatay kag duha ang nasamaran matapos matabunan sang natiphag nga bahin sang bungyod ang ila puluy-an.

Kadam-an sang mga residente ang human sa kawayan kag trapal ang ila puluy-an nga ginpatindog sa kilid sang mga bungyod, nga delikado sa landslide ilabi na kon mabaskog ang ulan.