Wanted nga persona arestado matapos ginserbihan sang warrant of arrest sang mga kapulisan

ROXAS CITY – Arestado ang isa ka wanted nga persona matapos nga ginserbihan sang warrant of arrest sang mga kapulisan sa Barangay Poblacion Ilawod, Dao, Capiz.

Ginkilala ang nadakpan nga si Rodel Cartagina 27-anyos sang nasambit nga lugar.

Kaso nga reckless imprudence resulting in serious physical injuries with damage to property ang ginapangatubang sang nasambit nga akusado.

Ang nasambit nga warrant of arrest gin-isyu kag ginpirmahan ni Judge Romel Leonor, presiding judge sang Branch 21 sang RTC Branch Mambusao, Capiz.

Ginrekomendar naman sang korte ang P8,000 nga piyansa para sa temporaryo nga kahilwayan sang akusado.

Sa karon, nakahunong na sa karsel sang Dao Municipal Police Station ang nasambit nga akusado.