Wanted nga persona arestado sa kaso nga Murder sa banwa sang Sigma, Capiz

ROXAS CITY – Arestado ang isa ka wanted nga persona matapos nga ginserbihan sang warrant of arrest sang mga kapulisan sa Barangay Pinamalatican, Sigma, Capiz.

Ginkilala ang nadakpan nga si Isidro Bundalan 52-anyos sang Barangay Tabon, Tapaz, Capiz.

Kaso nga murder ang ginapangatubang sang nasambit nga akusado.

Ang nasambit nga warrant of arrest gin-isyu kag ginpirmahan ni Judge Judith D. Orendain Tonogbanua, RTC 6th Juidicial Region Branch 20, Mambusao, Capiz.

Wala sang ginrekomendar nga piyansa ang korte para sa temporaryo nga kahilwayan ni Bundalan.

Sa karon, nakahunong na sa karsel sang Sigma Municipal Police Station ang nasambit nga akusado.