Wanted nga persona nga nadakpan sa banwa sang Dumalag, ginhilway na sa karsel

ROXAS CITY-Ginhilway na sa karsel sang Dumalag Municipal Police Station ang 29-anyos nga wanted nga persona matapos nga gin-aresto pinaagi sa pagserbe sang warrant of arrest sa banwa sang Dumalag.

Ginkilala ang akusado nga si Condradelf Coroz, residente sang Pavia, Iloilo.

Panombongon nga Reckless Imprudence Resulting in Double Homicide ang ginapangatubang sang amo nga akusado kun sa diin ang warrant of arrest sii ang gin issue kag ginpirmahan ni Hon. Presiding Judge Sevastino Baguio sang MTC-Dumalag.

P60,000 ang ginrekomendar sang korte para sa temporaryo nga kahilyawan ni Coroz.

Apang ginhilway man sa karsel makaligad nga nakabayad sang nasambit nga piyansa.