-- ADVERTISEMENT --
ROXAS CITY – Dakup ang isa ka senior citizen matapos ginserbihan sang mandamiento de aresto sa Sitio Ipil Barangay Talon, Roxas City.
Pinaagi sa gintingub nga pwersa sang Roxas City Police Station kag CIDG – Capiz nadakpan ang akusado nga si Lamberto Gregorio, 69 anyos kag residente sang nasambit nga barangay.
Nagapangatubang sang panumbongon nga 2 counts of Attempted Homicide si Gregorio.
Gin-issue kag ginpirmahan ni Hon. Jennie Ann Logronio ,Presiding Judge sang MTCC Branch 1, ang warrant of arrest sang akusado.
May P36,000 nga pyansa sa kada kaso ukon P72,000 sa duha ka counts sang attempted homicide nga ginrekomendar ang korte para sa temporaryo nga kahilwayan ni Gregorio.
-- ADVERTISEMENT --
Sa karon nakahunong na sa karsel si Gregorio.
