ROXAS CITY – Arestado ang 55- anyos nga lalaki nga ginakabig wanted person matapos nga ginserbehan sang mandiamento de aresto sang mga katapu sang Criminal Investigation and Detection Group (CIDG) Capiz sa Brgy. Tumalalod banwa sang Mambusao.
Ginkilala ang arestado kay Reynaldo Labanza Navarra, mangunguma kag residente sang nasambit nga lugar.
Sandig sa report nga nakuha sa CIDG Capiz, nagapangatubang ang akusado sa paglapas sa kaso nga 2 counts of Anti-Violence Against Women and their Children Act of 2004, kun sa diin ang warrant ang gin-issue kag ginpirmahan ni Hon. Redentor Eugenio Esperanza, Assisting Judge, RTC, 6th Judicial Region, branch 76, Janiuay Iloilo napetsahan Hunyo 24 2022.
Ginrekomendar sang korte ang pyansa nga kapin P72,000 para sa temporarayo nga kahilwayan sang arestado. Sa karon, nakahunong na sa karsel sang CIDG-Capiz si Navarra kag igaturn-over sa court of origin.
