ROXAS CITY – Dakop ang isa ka lalaki nga ginkabig Wanted Person matapos maserbihan sang warrant of arrest sa Pueblo de Panay Barangay Lawaan, Roxas City.
Ginkilala ang nadakpan kay alyas Jimboy, 30-anyos kag residente sang Sitio Tunga Barangay Banica, sining syudad.
Sa impormasyon nga nagikan sa Roxas City PNP, nagapangatubang ang suspetsado sa kaso nga 3 counts of Statutory Rape.
Ang warrant of arrest ang ginpapanaog kag ginpirmahan ni Acting Presiding Judge Eric Anthony Dumpilo, sang Regional Trial Court, Branch 14,6th Judicial Region, Roxas City, Capiz, kag napetsahan Oktobre 16,2024.
Wala sang ginrekomendar nga piyansa ang korte para sa temporaryo sini nga kahilwayan.
Sa karon, nagapabilin ini sa kustodiya sang Roxas City PNP, para sa nagakaigo nga disposisyon.
