TAPAZ, CAPIZ – Arestado ang isa ka lalaki nga ginakabig nga Wanted Person matapos ginserbihan sang warrant of arrest sang mga kapulisan sa Barangay Poblacion, Tapaz, Capiz
Ang wala na ginhingadlan nga akusado residente man sa nasambit nga lugar.
Nahibaluan nga nagapangatubang sang kaso nga paglapas sa RA 11479 ukon (Anti-Terrorism Act of 2020) ang akusado.
Ang warrant of arrest ang ginpapanaog kag ginpirmahan ni Presiding Judge Judith D Orendain – Tonogbanua sang Regional Trial Court, Branch 20, Mambusao, Capiz nga napetsahan sadtong Pebrero 14, 2022.
Ginrekomendar sang korte ang P120,000 nga piyansa para sa temporaryo sini nga kahilwayan.
Sa karon, yara sa kustodiya sang Tapaz PNP ang akusado kag natalana nga iga-turn over sa court of origin para sa nagakaigo nga disposisyon.
