Arestado ang isa ka wanted person nga anay katapu sang communist terrorist group (CTG) nga nagapangatubang sang kaso nga 8 counts of attempted murder kag paglapas sa Section 1 sang RA 9516 ukon illegal possession, manufacturing dealing of firearms ammunitions and explosives sa Barangay Nayawan, Tapaz, Capiz.
Ginkilala ang akusado nga si Abelardo Diaz 59-anyos nga ginserbehan sang mandamiento de aresto kasunod sang iya pagsungka sa headquarters sang 12ID,3ID, Philippine Army, Calinog, Iloilo.
Gin-isyu kag ginpapanaug ni Judge Judith Orendain Tonogbanwa sang RTC 6th judicial region Branch 20 Mambusao ang warrant of arrest ni Diaz nga may kaso nga 8 counts of attempted murder nga napetsahan Oktubre 30, 2021 kag may P120,000 per count nga pyansa.
Samtang ang warrant of arrest sa kaso nga paglapas sa Section 1 sang RA 9516 ukon illegal possession, manufacturing, dealing of firearms ammunitions and explosives nga gin-isyu ni Judge Rommel Leonor sang RTC 6th judicial region Branch 21, Mambusao, Capiz nga napetsahan Marso 01, 2021 ang wala sang pyansa.
Yara karon sa kostodiya sang mga otoridad si Diaz.
