ROXAS CITY – Arestado ang isa ka babayi nga ginakabig wanted person matapos ginserbihan sang warrant of arrest sang mga kapulisan sa Barangay Binuntucan sa banwa sang Pontevedra.
Ginkilala ang akusado kay Analyn Catalan 23- anyos, kag residente man sang nasambit nga barangay.
Kaso nga paglapas sa R.A 8369 ukon Family Courts Act of 1997 kag R.A 7610 ukon Special Protection of Children Against Abuse, Exploitation and Discrimination Act, ang ginapangatubang sang nasambit nga akusado.
Ang warrant of arrest ang ginpapanaog kag ginpirmahan ni Hon. Maria Cristina D.R. Rosario-Osoteo, assisting Judge, RTC 4th Judicial Region, branch 18 Cainta, Rizal napetsahan Hunyo 8, 2022.
Ginrekomendar sang korte ang P160,000 nga pyansa para sa iya temporaryo nga kahilwayan sini.
Sa karun, yara na sa kustodiya sang Pontevedra Municipal Police Station si Catalan para sa nagakaigo nga disposisyon.
