-- ADVERTISEMENT --
Arestado ang wanted person nga nagapangatubang sang duha ka mga panumbungon sa banwa sang Tapaz, Capiz.
Nakahunong na sa karsel sang Tapaz PNP si Allan Caspillo 43-anyos sang Barangay Tacayan, Tapaz matapos gindakup sang mga kapulisan bangud sa kaso nga paglapas sa RA 10591 ukon Comprehensive Firearms and Ammunition and Regulation Act kag RA 9516 ukon Illegal Possession/Manufacture/Acquisition/Distribution of firearms.
Gin-isyu kag ginpirmahan ni Judge Rommel Leonor sang RTC 6th Judicial Region Branch 21, Mambusao-Capiz ang warrant of arrest ni CAspillo. May ginrekomendar nga pyansa ang korte nga P120,000 para sa kaso nga paglapas sa RA 10591, apang wala sang pyansa sa isa pa ka kaso nga ginapangatubang ni Caspillo.
