-- ADVERTISEMENT --
DUMALAG,CAPIZ – Arestado ang isa ka wanted person nga nagapangatubang sang kaso nga attempted homicide sa Barangay Poblacion, Dumalag, Capiz.
Nakahunong na karon sa karsel sang Dumalag Municipal Police Station si Raquim Garbosa 28-anyos sang Barangay San Martin, Dumalag.
Gin-isyu kag ginpirmahan ni Judge Joan Palaw Legaspi sang MCTC Dasmariñas, Cavite ang mandamiento de aresto ni Garbosa nga napetsahan Pebrero 2, 2021.
Nagrekomendar sang P12,000 nga pyansa ang korte para sa temporaryo nga kahilwayan sang akusado.
Ginpatigayon ang operasyon sang gintingub nga pwersa sang Dumalag PNP kag Provincial Intelligence Unit sang Capiz Police Provincial Office.
-- ADVERTISEMENT --
