Wanted person nga may kaso nga estafa, arestado sa banwa sang President Roxas

PRESIDENT ROXAS, CAPIZArestado ang isa ka wanted person nga nagapangatubang sang kaso nga estafa sa Barangay Cabug-Cabug, President Roxas, Capiz.

Nakahunong na karon sa karsel ang akusado nga si Jonie Maribuhoc sang Zone 9, Talisay City, Negros Occidental matapos gin-aresto sang gintingub nga pwersa sang Talisay City Police Office kag President Roxas Municipal Police Station.

Gin-isyu kag ginlagdaan ni Judge Phoebe Gargantiel Barbin sang RTC Branch 45, Bacolod City ang warrant of arrest ni Maribuhoc.

Naglab-ot sa P40,000 ang pyansa nga ginrekomendar sang korte para sa iya temporaryo nga kahilwayan.