Wanted person sa kaso nga qualified theft, arestado sa banwa sang Panay, Capiz

Arestado ang isa ka lalaki nga ginkabig nga wanted person sa kaso nga qualified theft sa  Barangay Poblacion Ilaya, Panay, Capiz.

Ang arestado amo si alyas Anton, 62-anyos, tricycle driver kag residente sang Brgy. Agbalo sang amo nga banwa.

Sa impormasyon nga nakuha sang Bombo Radyo sa Panay Municipal Police Station,  natigayon nga ma-aresto ang subject person pinaagi sa gahum sang arrest warrant nga gin issue ni Hon. Henri Jean Paul Inting, Judge sang National Capital Judicial Region sang RTC, Branch 95, Quezon City.

Ang amo nga kaso ang may ginarekomenda nga bail bond nga nagabalor sang P24,000.

Sa subong, yara na ang arestado sa kustudiya sang Panay Municipal Police Station para sa naga-igo nga disposisyon.