Roxas City– Nakahunong na sa karsel sang Criminal Investigation and Detection Group (CIDG) ang isa ka wanted nga persona sa kaso nga sexual abuse matapos madakpan sang gintingub nga pwersa sang CIDG Capiz kag President Roxas Municipal Police Station sa Brgy. Ungka Uno, Pavia, Iloilo kaina sang aga.
Ginkilala ang arestado kay Noel Arostique Dagamihan, anay close in security ni President Roxas Mayor Receliste Escolin.
Sa nakuha nga impormasyon sang Bombo Radyo, ginpasakaan sang kaso ang arestado matapos natukiban nga gina abuso sini ang isa sa mga malapit nga himata sang alkalde kag matapos nga natukiban ang iya ginabuhat, gilayon ini nagpalagyo tubtob sang ulihi napasakaan ini sang panumbungon.
Ginpapanaog ni Judge Esperanza Isabel Poco- Deslate sang Regional Trial Court branch 14 ang warrant of arrest batuk kay Dagamihan nga napetsahan sang Oktubre 1, 2019.
Nagalab-ot sa P120,000 ang piyansa nga gin rekomendar sang korte para sa temporaryo sini nga kahilwayan.
