-- ADVERTISEMENT --
ILIGAN CITY – Arestado ang isa ka lalaki nga may outstanding warrant sa kaso nga rape matapos matukiban ang iya rekord sang nagkuha sang National Bureau of Investigation ukon “NBI”, clearance sa Iligan City.
Suno sa report, nagpatigayon sang verification ang NBI kag nagtugma ang ngalan, address, kaso kag court records sang akusado sa warrant nga ginpagwa sang korte.
Gin-ako man sang suspek nga may kaso siya apang nagpati ini nga natapos na ang amo nga kaso.
Sa karon, yara na sa kustodiya sang NBI Iligan District Office ang akusado samtang ginahulat ang commitment proceedings kag dugang nga mando sang korte.
