ROXAS CITY – Suspendido sang isa ka bulan si Arjona Yngcong, CRC Provincial Warden Capiz, matapos ginapahayag wala pagrenew sa isa ka empleyado sang Capiz Rehabilitation Center (CRC) sa Barangay Lawaan, Roxas City.
Sa interview sang Bombo Radyo kay Retired Col. Primo Golingay Executive Assistant sang Office of the Governor, ginpahayag sini nga ginpasakaan sang kaso nga administrabo si Yngcong kung sa diin wala sang mabaton nga sweldo sa sulod sang isa ka bulan.
Angut sini, ginpahayag man ni Golingay nga may yara sang duha ka mga empleyado ang CRC nga nagpositibo sa ginpatigayon nga surprise drug test.
Suno pa diri, anay na nga nagpositibo ang mga ini sadtong tinalikdan nga tuig sa diin nagpatigayon man sang drug test sa amu nga edipisyo.
Apang, palamangkutanon sa karun kun ngaman wala natukiban ang pagpositibo sang duha ka mga empleyado sa diin mahimo ang mga ini nga mapasakaan sang nagakaigo nga kaso kag penalidad.
Matandaan nga sa pagpakig-angut sang Bombo Radyo kay Yngcong, ginpahayag sini nga sa ila ginpatigayon nga drug test sa sadtong tinalikdan nga tuig wala sang may nagpositibo.
